Waxaan wareesi xiiso badan la yeelanay Con macoow waxana uu ka hadlayaa xalada iminka tagan ee Somaliya . Guji halkan Siyaradii Abahii Samale oo lagu qabtay Sweden	WARQAD FURAN (Open Letter) Maarso 13, 2007 Baraarujin qaybtii 6aad KU: C/laahi Yuusuf Axmed KU: Cali Maxamed Geedi KU: SH:Aadan Maxamed Nuur (Madoobe) KU: Daahir Riyaale kaahin KU: Cadde Muuse KU: Baarlamaanka Soomaaliya KU: Baarlamaanka Somaliland KU: Baarlamaanka Puntland KU: Odayaasha Dhaqanka KU: Inta sheegata Madaxda Soomaaliya Og: Dadweynaha Soomaaliyeed Nabad iyo naxariis korkiisa ha ahaato qofkii raaca hanuunka toosan ee Alle. Intaas ka dib Ma is wediiseen xalka soomaaliya meesha uu ku jiro, hadaba hadaad isweydiiseen waxaan idin leenahay xalka soomaaliya waa iyadoo la toowbad keeno Madax iyo Shacaba oo rabbi loo noqdo, laguna dhaqmo kitaabka Alle iyo sunada Nabigeena S.C.W. Hadaan nahay Soomaali waxaa dib noo dhigay qabyaalad, dadkii la rabay inay soomaali wax u qabtaana lama ogola ,anagu waxaan qabnaa Soomaali maanta waxay u baahan tahay wax badbaadiya, Illaahay haddii la talo saarto caqli saliim ahna la helo, waan badbaadeynaa? insha allaah, laakiin wadadeedii ma hayno,waa musiibo taas. Waxaan idiin sheegaynaa Soomaali hadaan nahay waxaa naga maqan oo keliya cadaalad, cadaaladna waxaan ka helaynaa Kitaabka Quraanka iyo sunadda Nabiga S.C.W oo laysku xukumo.Marka taasi hirgaliya Hadaad doonaysaa khayr Adduunyo iyo mid Aakhiro.Waxaan sidoo kale idiin sheygaynaa ha ka suginina Maraykanka,yurub, afrika, Jaamacadda carabta iwm, in cadaaladaa naga maqan ay noo keenayaan. Hadaba hadaad diidaan in aad nagu xukuntaan kitaabka alle waxaan idiin sheegaynaa in alle quraankiisa ku yiri:Cidaan wax ku xukumin wuxuu soo dejiyey eebe kuwaasi waa gaalo uun. Cidaan wax ku xukumin wuxuu soo dejiyey eebe kuwaasi waa daalimiin uun. Cidaan wax ku xukumin wuxuu soo dejiyey eebe kuwaasi waa faasiqiin uun. Fiiriya suurada Maa.ida aayadaha 44-47, mid walba dhamaadkeeda. Ibnu cabaas wuxuu yiri:Cidii diida waxa eebe soo dejiyey wuu gaaloobay. Waxaan ognahay in Diin iyo Dawlad lakala saaro in ay nooga yimaadeen reer galbeed, marka ha ogaado qofkii Diin yo Dawlada kala saara in uu ka dayday reer Galbeedka. Sidoo kale waad ogtihiin in Ummad walba ay leedahay cadow, marka cadawgeena mid qarsoon iyo mid muuqdaba waxaan idin leeyahay ka hara,sokeeyana haka dhiganina, wadankana waa in laga saaro si deg deg ah, waxaad kaloo ogaataan si gaar ah in Dawlada Itoobiya ay rabto in ay degto soomaaliya oo dhan, waxayna rabtaa in gobol gobol noo qaybiso, Waxaana la ogyahay in si gaar ah ay hada u degen tahay meelo ka mid ah Somaliland iyo Puntland, waxayna qorshaynaysaa sidii ay yuhuuda u dagtay Falastiin in ay Soomaaliya oo dhan ay ku degto, qorshahaasna dadka badankiis kama warqabaan, laakiin Illaahay idinkiis qorshahaas uma socon doono.. Illaahay quraankiisa wuxuu ku yiri: ” Kuwa Allaah iyo Rasuulba rumeeyayoow haka yeelanina Yahuud iyo Nasaara sokeeye,qaarkood waa sokeeyaha qaarka (kale) ciddii ka sokeeya yeelata oo idinka mid ah wuxuu ka mid yahay iyaga, Allaahna ma hanuuniyo qoomka daalimiinta ah” (Suuratu Al-Maa’ida 51). Hadaba sida aad u jeedo ayaa Allaah ugu xukumay qofka ka jeesta Jamaacada ama dadka musliinta ah oo u gala gaalada in uu gaalada ka mid yahay, qof ka kor qaadi karaana ma jiro xukumkaas uu Allaah saaray illaa iyo maalinta qiyaame hadii uusan ka toobad keenin qofkaasi. Madaxda waxaa laga rabayaa in naftooda iyo ehelkooda ka bilaabaan in ay aad cadaalad u sameeyaan , ka dibna gaarsiiyaan inta ay awoodaan. Shacabka dhaamaan waa in ay ka shaqeeyaan sidii ay ku heli lahaayeen cadaalad, hadaan la helin la helin Cadaalad dhibaatada ka bixi mayno. Waad ogtihiin dhibaatada haysata shacabkeena, marka wax ka qabta si gaar naga joojiya qaadka laga keenayo cadawgeena, laguna bedelanayo doolar iyo cunto iyo kaluun.. Waxaan badanaa maqalnaa waa la shirayaa oo waa la heshiinayaa, hadaba shirarka la qabanayo waa in la keenaa dad wanaagsan oo illaahay ka baqaya kana shaqeynaya Maslaxada Ummada Soomaaliyeed,waxaana lagu heshiin karaa iyadoo la qaato kitaabka alle iyo sunada Rasuulka S.C.W, lgana toobadkeeno wixii horey loo sameeyay, haddii taas la diido waxba soo bixi maayaan. Waxaan si gaar ah talo ugu soo jeedinyaa inta sheegata in ay maamulaan ,Somaliland iyo Puntland in ay ka fogadaan colaada la hurinayo, sidoo kale gobalaysiga iyo qabyaalada ay gaalada hurinayso in ay ka fogaadaan. Waxaan ogayn in Madaxda Somaliland iyo Puntland in Markii ay ka baqayeen Maxakamaduhu in ay ku soo duulaan in ay yiraahdeen waxaan isku xukumaynaa kitaabka Quraanka. Haddaba waxaan ognahay in ay idinka ahayd in xukunka aad ku dheeraysataan ee illaahay ka baqa, ee ha ka baqina cadowga aad deriska tihiin ee itoobiya. Ugu Dambayntii haddii aad diidaan talooyinkaan aan soo sheegay, ogaada in aad taariikhda meel xun aad ka galaysaan, tii aakhiraha waa idin sugaysaa,ama sheegta madax Soomaaliyeed ama Odayaasha Dhaqanka. Waxaan shacabka Soomaaliyeed leeyahay Illaahay aan ka baqno,oo wixii wanaagsan aan isku kaalmaysano, ogaadana waxaa jira dad Soomaali ah oo wanaagsan laakiin waqtigooda sugaya micnaha hada xoogoodu ma muuqdo. Si gaar ah qofkii doonaya in wadanka lagu maamulo kitaabka Alle iyo Sunada Nebiga S.C.W halagu garab galo, oo hala siiyo fursad. Illaahay waxaan ka baryaynaa inta Ummada Soomaaliyeed dhibka ka wada in Rabbi soo hanuuniyo, cidii aan hanuun rabbi la la damcina rabbi hanaga qabto aamiin.aamiin. aamiin. Fiiro Gaar : Odayaasha dhaqan waxaan ula jeedaa qabiilkasta wuxuu leeyahay qof xukuma magac kasta ha loo bixiyee sida: Boqor, Garaad, Ugaas,Suldaan,Iimaan, Beeldaaje, Malaaq, Wabar I.W.M Fiiro Gaar : Magacyadaan soo qoray uma aqoonsani madax ee waxaan u aqoonsanahay niman u shaqeeya Cadawga Islaamka hadayna katoobad keenina waxa ay ku jiraan ila ogaada Meesha ay ku dambayn doonaan. Qore: C/raxmaan C/laahi	Waa Kuma Masuulka dagaalo sokeey oo 16 sano ah ka dib Soomaali oo dhan bad baadiyay oo 80% laga taageeray gobolada dalka soomaaliya oo dhan Nadaara ma waxa uu u afdubnaa Con yusuf Misse Xub sireed Ma   Safarad baa mise xaruntii gumesiga Dhaq-dhaqaaqa Somaaliyeed Nabad,Midnimada iyo Cadaaladda Akhri  Dhaq-dhaqaaqa Somaaliyeed Nabada,Midnimada iyo Cadaaladda waxeey si weyn u soo dhoweeyneeysaa Khidaabka Diineed oo xaqa ah wuuna jeediyeey Jimcihii la soo dhaafay 27/04/2007 Dalka Dooxa.