Maqaalo Baraarujin ah Qore: C/raxmaan C/laahi YAA DUMIYAY MAAMULKII MAXKAMADAHA??? Ma gurmashaa mise waa gumaysi WARQAD FURAN (Open Letter) Yaa la jihadeesa? Waa bayaan ay soo saareen mujaahidiintii Waqooyi Bari Baraarujin qaybtii 3aad Baraarujin Qaybtii 2aad Baraarujin Qaybtii 1aad Qore: C/raxmaan C/laahi	SIYAASADDII  AAN LA YAABAY!! "ADEER NIDAAM WAXBA NOOMA SHEEGAYO INAGAA GARANAYNA WAANU ISKA NOOLAANJIRNAYE INAGA DAA!!"eryadani yey kula noqon kartaa in ay kasoo yeeraan? hubaal aniga haddii aad su,aashan i waydiin lahayd waxaan ku dhihi lahaa ama aan ku qiyaasi lahaa in uu ku hadaaqay mid ka mid ah qaybaha caadiga ah ee bulshada oo waxoogaa ka biya diidaya in uu raaco nidaam loogu baaqay in uu fuliyo, Maya! maahan ee waxaan ku dhihi lahaa waa eray uu yiri malaha ruux laga keenay meel aan nidaamba ka jirin oo aan fahansanayn waxa uu nidaamba yahay isla markaana doonaya in uu sida uu isagu jecelyahay  wax u maareeyo, Maya! ee waxaan ku dhihi lahaa waxaa yiri qof......    Rumayso ama ha rumaysan hadaladaa waxaa ku dhawaaqay madaxa ugu sareeya dalka soomaaliya ee loogu tala galay in uu noqdo qofka ugu horeeya ee nidaamka ilaaliya isla markaana dadka u horseeda kuna haga in ay nidaamka raacaan, waa madaxweyne c/laahi yuusuf axmad.        Waa la arkaa in qaarkiin uu ii qaato in aan doonayo in aan ninka si gooni ah u weeraro laakiin xaqiiqdu ma ahan mid la tiri karo taariihduna way qorantahay, dabaayaqadii sanadkii 2004 tii waqti aan badnayn kadib markii madaxwaynaha lagu caleemo saaray ayaan ka mid ahaa dad nasiib u yeeshay in madaxwaynaha ay qudbad uga dhegaystaan mid kamid ah wadamada afrika oo uu booqasho ku tegay, runtiina waxaan aad u danaynaynay aniga iyo in badan oo ila mid ah in aan madaxwaynaheena ka maqalno barnaamijkiisa siyaasadeed ee ku aadan xasilinta wadanka ay xasaradaha dagaaladu halbowlaha jareen mudadaan danbe, anigoo aad u filayey in madaxwaynuhu uu noosoo bandhigi doono barnaamij aan aad ugu qiyaasayey in uu lahaan doono qayb dhiigjoojin aan ku qiyaasay oo aan ugu danleeyahay in uu wax kaga qaban doono xaaladda degdegga ah ee markaa taagan oo aan ula jeedo marxaladda hore ee loo baahnaa markaa in wax laga qabto, iyadoo ay intaas noo dheerayd in aan aad ugu hammuun qabnay in sida arday badan oo nala mid ahayd oo kakala timid wadamo badan oo aan wax wada baranaynay ay u leeyihiin mas,uuliyiin sarsare oo ay arrimaha wadankooda kala xiriiraan kuna dhaataan marka laga hadlayo himilada sare ee dhanka qaranimada ku beegan, waxba yaan hadal kugu daaline wax kastoo la filaba mar uunbaa lasoo hor fariistaaye madaxwayneheenii wuu yimid waxaana naloo qaabeeyey kulan balaaran oo aan la yeelano kaasoo ka dhacay rug wayn oo shirarka caalamiga ah lagu qaato, musiibadu waxay bilaabatay markii howl wadeenadii amniga lala socodsiiyey in madaxweynuhu uu codsaday in laga baaro ardayda uu la kulmayo oo mid mid looga hubiyo taasoo aad uga yaabisay howl wadeenadii wadankii uu madaxweynuhu martida u ahaa, si kastabase waanu soo galnay goobtii aannu madaxwaynaha iyo wafdiga la socda kula qaadan lahayn kulanka.    Waxaan sii diyaarsanahay su,aalo badan oo ku saabsanaa dhammaantood siyaasadda uu madaxweynuhu doonayo in uu ku hanto dhibaatada taagan iyo sida uu doonayo in uu ku hago qaran sanadaha soo socda, anagoo aad u aaminsanayn in aan xaq u leenahay in aan helno jawaabaha ku aadan, hayeeshee taasi ma dhicin oo madaxweynuhu marna barnaamij siyaasadeed noogama hadlin iyo wax na quseeya isla markaana nalooma ogolaan in aan wax su,aal ah waydiino oo waanalagu caburiyey, waxa uu madaxweynuhu hadal nooga bilaabay, HORTA MIYAAD OGTIHIIN IN AAN ANIGU AHAY NINKII UGU HOREEYEY EE NIDAAM SOOMAALIYEED OO JIRA QORAY U QAATAY OO LA DAGAALAMAY!!. waxaana uu kusoo gunaanaday eray lala yaabay kadib markii safiirkii soomaaliya u fadhiyey wadankaas oo kulanka joogay uu madaxwaynaha si hoose ugu sheegay in lagu wargeliyey in uu dhammaaday waqtigii loogu tala galay kulanka waayo runtii waqti badan ayaan fadhinay meesha, laakiin madaxweynuhu intuu qoslay oo kor u hadlay ayuu ku yiri" ADEER NIDAAM WAXBA NOOMA SHEEGAYO INAGAA GARANAYNA WAANU ISKA NOOLAAN JIRNAYE INAGA DAA!!" wuxuuna madaxweynuhu in door ah sii taagnaa iyadoo raggii loogu tal galay in ay amnigiisa ilaaliyaan ay isku diyaariyeen in ay baxaan oo ay dhanka iridda isku sii beegeen.    Waxaa wax lala yaabo noqotay in madaxweynihii dhammaa ee loo doortay in uu qaranka maamulo uu qudbadii uu noo jeedinayey oo socotay muddo 1.48 (halsaac iyo afartan iyo sideed daqiiqo) aanu kusoo qaadan wax aan ahayn in uu noo faano oo uu yiraahdo waxbaan dili jiray iyo waan dagaalami jiray iyo in uu caayo oo wax ka sheego qaar kamid ah ka qayb galayaashii meesha joogay oo uu hayb gartay, waxaase kasii darnayd in meeshii uu nidaamka iyo kala dambaynta ku baaqi lahaa uu isagu dadkii uu madaxwaynaha u ahaa hortooda ka sheegayo in uusan nidaam waxba u sheegayn oo uu iska noolaan jiray isagoo weliba dal shisheeya jooga.   Waxaan naftayda ku qanciyey in uu bani,aadam yahay oo uu qaldami karo ayna waajib tahay in inta aan wax laga sheegin fursad la siiyo in kastoo dadka horay u yaqaanay oo iga da,da wayn ay fikradan igu diidanaayeen hadana aragtidaa anigaa ku qanacsanaa, balse taasi waxba sooma kordhin oo madaxweynuhu markii loogu baahida badnaa ee ay ahayd in uu siyaasadda isticmaalo oo uu wax badan xeeriyo ayaa owrkii dhexda kaga lumay, oo waatuu jowhar tegay isla markaana qudbaddii caanka ahayd uu ka jeediyey oo uu yiri CIDDII NAGA HORTIMAADA DAADKA AYAA QAADAYA iyadoo ay wax badan oo kale oo uu yiri ka horeeyeen, arrinkuse wixii markaa ka dambeeyey wuu sii cakirmayey oo c/laahi mar kasta oo uu afka kala qaado wuxuu luminayey ugu yaraan 30% tageerayaashii nidaamkii lagu soo unkay kenya, isagoo ugu dambayntii meel cad soo istaagay runtiisuna ay soo baxday oo lasoo baxay gacantiisii labaad,    C/laahi weli malahan aragti ku qotonta in waxa uu ku jiraa ay tahay siyaasad waraysiyadii ugu dambeeyey ee uu dhiibayna weli waxay tilmaamayaan in uu kasii darayo oo aanu weligii baranayn siyaasadda iyo habka loo maareeyo qaran ummadu leedahay u fiirso "KII CAASHA DHEERAA EE AMEERIKAANKA AHAA INKAARQABAHAA MAGACIISU MUXUU AHAA?" erayadan waxay ka mid ahaayeen erayo badan oo aad u foolxun oo uu madaxweynuhu kahor jeediyey barlamaanka nov. sanadkii hore adigaan ku waydiiyey ee ma yihiin erayo siyaasi madaxweyne dhan oo wadan u qalma.    "MAAMULKA UU RIYAALE MADAXDA KA YAHAY IYO ALSHABAAB WAXAY DOONAYAAN IN AY RIDAAN PUNTLAND IYO DOWLADDA F.KMG."eryadani waxay ka mid ahaayeen waraysiyadii ugu dambeeyey ee uu C/laahi bixiyey waxaanse kala fahmi waayey oo sugayaa ciddii ii sheegi lahayd in puntland iyo somaliland c/laahi ugu kala gedisanyihiin haddii uu dalka oodhan madaxweyne u yahay haddiise puntland ay soomaaliya kamid tahay maxaa iyada iyo dowladda laysu barbar dhigay waa su,aal aan jawaabteeda weli helin.    NIMANKA WAXAAN LEEYAHAY HA ISKU DHEERAYNINA ADINKU WAQTIGA DOWLADDU WAY JOOGAYSAA.waxay ka mid ahaayeen erayadani waraysiguu ugu dambeeyey ee tvga taagta daran ee Universal uu la yeeshay c/laahi yuusuf oo uu awoodi waayey in uu qarsado damaca u laaban ee ah in uu waqtiga kordhisto marka uu dhammaado waqtiguusu, waxaan aad ula yaabay nuuca ay tahay siyaasadda uu c/laahi raaco, iyo halka uu kasoo bartay.                                         Mahad Xaashi Maxamed.  Email.... dhigifyare@hotmail.co.uk	Maqaalo Baraarujin ah Qore: C/raxmaan C/laahi YAA DUMIYAY MAAMULKII MAXKAMADAHA??? Ma gurmashaa mise waa gumaysi WARQAD FURAN (Open Letter) Yaa la jihadeesa? Waa bayaan ay soo saareen mujaahidiintii Waqooyi Bari Baraarujin qaybtii 3aad Baraarujin Qaybtii 2aad Baraarujin Qaybtii 1aad Qore: C/raxmaan C/laahi